Shvesıaǵa josyp kelgen mıgranttar jeke úılerde turǵysy keledi, - dep habarlaıdy Qamshy.kz.

Bul týraly «Komsomolskaıa pravda» basylymy jazady. Shvesıada mıgranttar úkimet arnaıy bólgen úılerde turǵysy kelmeıdi eken. Osyǵan baılanysty Norrtele komýnasynyń bıligi jergilikti turǵyndarǵa ózderiniń jazǵy úılerin bosqyndarǵa berýge usynys jasady. Komýna ákimshiligi bosqyndar  arenda aqysyn ýaqytyly tóleýin mýnısıpalıtettiń ózi qadaǵalaıdy dep sendirdi.

Esterińizge salaıyq,  bul elde bosqyndar birneshe narazylyq aksıasyn ótkizgen bolatyn. 11 tamyz kúni bir top bosqyn ózderine úkimet bólgen úıler kóńilinen shyqpaı, qarsylyq sharasyn ótkizgen. Úkimet usynǵan úıdi kórýge kelgen bosqyndar ǵımaratty bir kórgende-aq unatpaı,  avtobýstan túspeı qoıǵan. Olarǵa birneshe otbasyǵa ortaq bir baspananyń berilýi unamaıdy eken. Sonymen qatar bul elde mıgranttarǵa arnaǵan úılerdiń qala syrtynda ornalasýy da bosqyndardyń narazylyǵyn týdyrǵan.