Jer reformasy jónindegi komısıanyń otyrysynda saıasatker Muhtar Taıjan moratorııdi 5 jylǵa uzartý óte oryndy sheshim ekenin aıtty, - dep habarlaıdy Qamshy.kz.

«Bizdiń komısıamyzdyń jumysy jemisti boldy dep esepteımin. Úsh aıdyń ishinde osyndaı sheshimge keldik. Jasyratyny joq, bul usynysty bizde talqyladyq. Menińshe, mundaı sheshim búgin qabyldansa, onda halyqtyń kóńilinen shyǵady. Sebebi, bes jyl jer eshkimge satylmaıdy, sheteldikterge jalǵa berilmeıdi. Halyqtyń qalaýy sol boldy. Al bes jyldan keıin taǵy da biz aman bolsaq, el bolamyz, taǵy da qarastyrýǵa bolady»,-deıdi M.Taıjan

Onyń aıtýynsha, komısıa osy úsh aıdyń ishinde az jumys atqarǵan joq. Birqatar, asa mańyzdy sheshimder qabyldanǵan. Áli de birqatar máselelerdiń basy ashyq.

«Komısıa bes jyl jumys isteı almaıdy, biraq jumysshy top pa, basqa bir sheshim qabyldaýymyz kerek. Parlamenttiń ishinde bul usynystardy túsindirý, kerek bolsa qorǵaý úshin jumysty top qurýymyz kerek. Tóraǵa aıtyp ketkendeı, úsh aıdyń ishinde latıfýndızmge qarsy, jaıylym jer týraly, basqa da durys sheshimderdi qabyldadyq» - dedi Jer reformasy jónindegi komısıanyń quqyqtyq tobynyń jetekshisi M.Taıjan.

Komısıa jumysyna oń baǵa bergen M. Taıjan jer taǵdyryna alańdaǵan el men máseleniń mańyzyn túsingen Elbasyǵa alǵysyn bildirdi.