Qazaqstan Respýblıkasynyń Qorǵanys mınıstri Imanǵalı Tasmaǵambetov áskerı qyzmetshi, QR Qorǵanys mınıstrligi Armıa ortalyq sport klýbynyń kapıtany, olımpıada chempıony Olga Rypakovany Rıo-de-Janeırodaǵy Olımpıadada úsh márte sekirý saıysynda jeńip alǵan qola medalimen quttyqtady, - dep habarlaıdy Qamshy.kz QR Qorǵanys mınıstrliginiń baspasóz qyzmetine silteme jasap.
«Qurmetti Olga Sergeevna! Sizdi Rıo-2016 Olımpıada oıyndarynda jeńil atletıkadan jeńimpaz atanyp, qola medal alýyńyzben quttyqtaımyn. Bul laıyqty marapat. Sizdiń joǵary sheberligińiz, erik-jigerińiz ben jeńiske degen qulshynysyńyzdyń erekshe kórsetkishi. Tórt jylda bir ret ótetin bedeldi álemdik sport saıysynda Siz Qazaqstannyń Qarýly Kúshteriniń joǵary deńgeıin kórsetip, elimizdiń týyn kókke jelbirettińiz. Osynaý joǵary nátıje óskeleń urpaq úshin kásipqoılyqtyń jarqyn úlgisi», - dep QR Qorǵanys mınıstri Imanǵalı Tasmaǵambetov óziniń quttyqtaý jedelhatynda atap ótti.
Úzdik áreket etýde Rypakova 14,74 metr nátıjesin kórsetti. Bul onyń maýsymdaǵy úzdik nátıjesi boldy. Rıo-de-Janeıroda ótken Olımpıadadaǵy qola medal ol úshin mansap jolyndaǵy ekinshi olımpıadalyq medal boldy. Londonda ótken olımpıadada ol altyn medal ıegeri atanǵan bolatyn.
