Almatyda «Alǵabas-6» shaǵyn aýdanyndaǵy birqatar turǵyn úılerdi salyp, óz mindettemelerin laıyqty oryndamaǵan «Danıa konstrakshn» JSHS sot aldynda jaýap beretin boldy, - dep habarlaıdy Qamshy.kz.

Almaty qalalyq Qurylys basqarmasy basshysynyń orynbasary Azamat Rahımov tilshilerge osylaı dedi. 

«Danıa konstrakshn» JSHS-i salǵan turǵyn úılerdiń ishinde nómiri 1/148-shi turǵyn úı de bar. Turǵyndardyń aıtýynsha, bul úı kem degende 50 santımetrge ishki aýlaǵa qaraı qısaıyp ketken.

«Bul 1/148 turǵyn úı 2015 jyly paıdalanýǵa berildi. Biz «Danıa konstrakshn» JSHS sotqa berdik. Óıtkeni, bul kompany óz mindettemelerine jaýapsyz qaraǵan. Sot sheshimimen bul kompanıadan 39 mln. teńge óndirip alý kózdelgen. Al, «Qazaq qurylys jáne sáýlet ǵylymı-zertteý jáne jobalaý ınstıtýty» AQ osy «Alǵabas-6» shaǵyn aýdanynda zertteý júrgizip, jer qyrtysynyń álsiz ekendigin anyqtady. Endi osy ınstıtýttyń naqty usynystarymen turǵyn úıler ornalasqan jer qabaty nyǵaıtylatyn bolady. Bul jumystar aldaǵy 1,5-2 aı aralyǵynda aıaqtalady. Turǵyndardy úıden shyǵarýdyń qajeti joq», - dedi Azamat Rahımov.