Rıo-de-Janeıroda ótip jatqan Olımpıada oıyndarynda sharshy alańǵa shyqqan 81 kelidegi Ádilbek Nıazymbetov fınalda kýbalyq boksshy Hýlıo Sesar la Krýsqa jol berip, Rıo Olımpıadasynyń kúmis júldegeri atandy, - dep habarlaıdy Qamshy.kz.
Osylaısha Ádilbek eki dúrkin Olımpıadanyń kúmis júldegeri atandy. Bul Olımpıada tarıhyndaǵy qatarynan eki ret fınalǵa shyqqan ekinshi boksshymyz. Osyǵan deıin Bolat Jumadilov eki birdeı Olımpıadanyń fınalyna shyǵyp, eki márte kúmis júldeger atanǵan bolatyn.
Mine, búgin Ádilbek sol aǵasynyń erligin qaıtalady.
Esterińizge sala keteıik, osyǵan deıin Vasılıı Levıt Rıo Olımpıadasynyń kúmis júldegeri atansa, keshe Danıar Eleýsinov 69 keli salmaqta Olımpıada chempıony atandy.Endi boksshylarymyzdan bir ǵana boksshy jarys jolynda qaldy. Ol - asa aýyr salmaqtaǵy Ivan Dychko.
