On kún buryn joǵalyp ketken astanalyq stýdent Baqtıar Jamanǵaraev Qaraǵandydadaǵy jaldamaly páterlerdiń birinen tabyldy, - dep habarlaıdy Qamshy.kz Astana qalalyq İİD baspasóz qyzmetine silteme jasap.

"20 tamyzda Astana qalalyq İİD jedel ýákilderi Jamanǵaraevtyń Qaraǵandy qalasyndaǵy jaldamaly baspanada ekendigin anyqtady. Ol jedel-izdestirý sharalarynyń barysynda tabyldy. Bastysy aman-esen. Qazir ol týystarymen birge. Oǵan qatysty zańǵa qaıshy áreket bolmady", - dep habarlady qalalyq İİD baspasóz bóliminen.

Esterińizge sala keteıik, 11 tamyz kúni Astanada Qazaq gýmanıtarlyq-zań ýnıversıtetiniń túlegi Bahtıar Jamanǵaraev joǵalyp ketken bolatyn. Anyqtalǵanyndaı, jigittiń kóligi lombardqa tapsyrylǵan. Joǵalyp keterdiń aldynda Bahtıar býkmekerlik keńselerdiń birinde bás tikken, onyń qumar oıyndarǵa áýes bolǵany da belgili.