Aqtaýda urlanyp, zorlyq kórgen alty jasar qyz jaǵajaıdan tabyldy. Jantúrshigelik jaǵdaı 20 tamyz kúni Aqtaý qalasynda bolǵan, - dep habarlaıdy  Qamshy.kz tumba.kz - ke silteme jasap.

"Ivanych" dúkenine ájesimen erip kelgen alty jasar qyz bala dalaǵa shyǵamyn dep mazalaı bergen soń nemeresin ákesine aıtyp, alyp ketýin suraǵan.

Bir ǵana sátte joq bolyp ketken nemeresin ákesi alyp ketti dep oılaǵan. Alaıda arada birshama ýaqyt ótkende qyzyn alyp ketýge kelgen ákesi qyzyn izdeı bastaıdy. 2,5 saǵat óz kúshterimen izdegen otbasy, aqyry polısıanyń kómegine júgingen. 

Qyz balany Mańǵystaý oblysy İİD-niń jeke quramy izdegen.

Polıseıler qansyrap, esinen tanyp jatqan qyzdy jaǵajaıdan taýyp, ony shuǵyl balalar aýrýhanasynyń jansaqtaý bólimine jetkizgen.

Tártip saqshylary oqıǵaǵa qatysy bar kúdiktilerdi de qolǵa túsirdi, alaıda olardyń aty-jónderi ázirge atalmaı otyr.