2016 jylǵy 18 tamyzda Almaty oblysynda Ulttyq qaýipsizdik komıtetiniń qyzmetkerleri Qazaqstan aýmaǵynda terorıstik aktiler serıasyn josparlaǵan radıkaldy toptyń 4 múshesin ustaý boıynsha arnaıy operasıa júrgizdi, - dep habarlaıdy Qamshy.kz QazAqparatqa silteme jasap.
QR UQK baspasóz qyzmetiniń habarlaýynsha, Qazaqstan jáne Qyrǵyzstan azamattary bolyp tabylatyn topqa qatysýshy ustalǵandardan, olardyń turǵan jerinde arnaıy salynǵan qupıa orynnan qoldan isteletin jarylǵysh qurylǵylardy daıyndaýǵa arnalǵan quraýyshtar, dinı-ekstremıstik materıaldar alyndy.
Radıkaldardyń UQK, polısıa jáne áskerı bólimshe qyzmetkerlerine jáne olardyń ornalasqan ornyna qarýly shabýyl jasaý boıynsha jospary beıtaraptandyryldy. Kelesi kezeńde olar adamdar kóp jınalatyn jerlerde terorıstik aktiler jasaýdy uıǵarǵan.
Tergeý jáne jedel-izdestirý is-sharalary jalǵastyrylýda, olardyń nátıjeleri boıynsha qosymsha habarlanatyn bolady.
