Aqtaýda 6 jasar qyzdy zorlady degen kúdikti aqyry qolǵa tústi,-dep habarlaıdy Qamshy.kz.    

Keshe polıseıler dúkenniń beınebaqylaý kamerasyna túsip qalǵan kúdikti er azamatty qolǵa túsirdi. Zábir kórgen sábı osy dúkennen joǵalyp ketken bolatyn.

Tártip saqshylary kúdiktini Aqtaýdaǵy qurylys nysandarynyń birinen ustaǵan.

«Qazirgi tańda ustalǵan er azamattyń atalǵan qylmysqa qatysy bar-joǵyn anyqtaıtyn birqatar tekserýler júrgizilip jatyr. Tergeýdiń qupıalyǵyna baılanysty ózge aqparattar aıtylmaıdy», - deıdi Mańǵystaý oblystyq İİD baspasóz qyzmetiniń ókili Sholpan Iýldasheva.

Esterińizge salaıyq, atalǵan oqıǵa 20 tamyz kúni Aqtaýdaǵy №1 shaǵynaýdanynda oryn alǵan bolatyn. Dúkende apasynyń janynda bolǵan 6 jasar qyzdy belgisiz er azamat urlap ketip, saıajaıǵa aparyp zorlaǵan. Qyzdy asa aýyr halde polıseıler taýyp aldy. Onyń jaǵdaıy áli de aýyr, qazir jansaqtaý bóliminde.