Álem arýy atanǵan Chehıanyń Sulýlyq hanshaıymy, álemge áıgili sýper-model Marketa Korınkova Islam dinin qabyldady, - dep habarlaıdy Qamshy.kz egemen.kz-ke silteme jasap.

Arý qyz endi óziniń atyn Márıam dep ózgertip, Birikken Arab Ámirlikterine qonys aýdarmaqshy. «Ál-Kýds ál-Arabı» jýrnalynyń habarlaýynsha, Marketa Korınkova sońǵy úsh jyldan beri aqıqat dinin qabyldaýdy oılap júrgen. Oǵan musylman dinin qabyldaýǵa Islamdaǵy áıel zatyna degen qurmet pen artyqshylyqtar áser etken eken.

Cheh arýy álemge dızaıner jáne kınoaktrısa retinde de tanymal. Ol Gollıvýdta shyqqan birneshe fılmde basty rolde oınaǵan. Sonymen birge, FAMU kınoakademıasynyń Pragadaǵy bólimshesiniń dırektory qyzmetin atqaryp, jarnama kompanıasynyń jumysyn basqarǵan. Londonda kıim tigý óndirisimen aınalysqan.

Pragadaǵy Karl ýnıversıtetin bitirgennen keıin aǵylshyn ádebıeti boıynsha magıstr dıplomyn alǵan. Sodan keıin Londondaǵy Koróldik óner kolejinde oqyp, kıno jáne televıdenıe boıynsha magıstr ataǵyn ıelengen. Brıtanıanyń VVS telekompanıasynda da qyzmet etip kórgen.