Dilnáz Ahmadıevanyń Elbasynyń qatysýymen ótken Ulttyq olımpıada quramasyn marapattaý rásimi kezinde kıgen kóılegi el aýzyna ilikti, - dep habarlaıdy Qamshy.kz NUR.KZ – ke silteme jasap.

Belgili ánshi Álisher Kárimov jeli paraqshasyna olımpıada sportshylaryn marapattaý rásiminen keıingi sýretin júktegen edi. Sýrette Álisher merekelik konsertte elbasy men Rıo-de-Janeırodaǵy Olımpıada oıyndarynyń bir top jeńimpazdary aldynda án salǵan ánshiler Maqpal Isabekova, Dilnaz Ahmadıeva jáne Janar Duǵalovanyń ortasynda tur.

Bir qaraǵanda, jaı ǵana estelik sýret bolyp kórinetin kadrdan qoldanýshylar ilik tapty. Jeli qoldanýshylary bul týraly oılaryn ortaǵa salyp, tipti bir-birimen daýlasyp ta aldy.

«Masqara!», «Dilnaz tósqap kımegen be?», «Dilnázdiń kóılegi sondaı ma, álde bul men oılap otyrǵan nárse me?», «Joq, bul siz oılaǵandaı emes. Ol kóılektiń tigisi ǵoı, kez-kelgen denege japsarlas kóılekti solaı tigedi, jaı ǵana matasynan qatty bilinip tur», - dep jazdy olar.

Eske salsaq, 26 tamyz kúni  Astanada prezıdenttiń qatysýymen ótken Ulttyq olımpıada quramasyn marapattaý rásimi bolyp, rásim sońy merekelik konsertke ulasqan edi. Konsertte otandyq estrada juldyzdary sportshylardyń qurmetine án salyp, bı bılegen-di.