Búgin Májiliste Palata Spıkeri Qabıbolla Jaqypovtyń tóraǵalyǵymen ótken jalpy otyrysta Qylmystyq is júrgizý kodeksiniń jobasyn ilespe túzetýlerimen keıbir konstıtýsıalyq zańdaryna jáne birqatar zańnamalyq aktilerdi ekinshi oqylymda maquldady.

Kodeks jobasymen jumys barysynda depýtattar qorǵaýshynyń, tergeý sýdıasynyń ókilettikterin keńeıtýge, qylmystyq sot isin júrgizýde taraptardyń jaryspalylyǵy men teń quqylyǵyn kúsheıtýge, sondaı-aq, jobanyń jekelegen normalaryn jetildirýge baǵyttalǵan birqatar túzetýler engizilgenin atap ótti Májilistiń Zańnama jáne sot-quqyqtyq reforma komıtetiniń múshesi Ramazan Sárpekov.

Azamattardyń qylmystyq prosestegi quqyqtaryn kúsheıtý maqsatynda kýányń, jábirlenýshiniń aıǵaqtaryn saqtaýǵa berý kezinde taraptardyń birdeı qatysý jaǵdaılaryna kepildik beretin norma usynyldy.

Salalyq komıtet 60 jumys tobynyń otyrysyn ótkizip, Qazaqstan Respýblıkasy Bas prokýratýrasynyń, Joǵarǵy Sottyń, Konstıtýsıalyq Keńestiń, quqyqqorǵaý organdary, mınıstrlikter men vedomstolardyń, sonymen birge úkimettik emes u»ıymdardyń ókilderiniń qatysýymen  otyrystarda da talqylandy. 

Kodeks jobasynyń erejeleri, sondaı-aq, Astana qalasynyń sotynda, Astana qalasynyń prokýratýrasynda, Respýblıkalyq advokattar alqasynda, Astana qalasynyń İshki ister departamentinde jáne Qazaqstan Respýblıkasy Bas prokýratýrasynyń Quqyqtyq statısıka jáne arnaýly esepke alý komıtetinde bolǵan otyrystarda da talqylandy. 

«Qazaqstan Respýblıkasyndaǵy saılaý týraly», «Qazaqstan Respýblıkasynyń Parlamenti jáne onyń depýtattarynyń mártebesi týraly», «Qazaqstan Respýblıkasynyń Konstıtýsıalyq Keńesi týraly», «Qazaqstan Respýblıkasynyń Tuńǵysh Prezıdenti – Elbasy týraly» jáne «Qazaqstan Respýblıkasynyń sot júıesi men sýdıalarynyń mártebesi týraly»  Qazaqstan  Respýblıkasynyń konstıtýsıalyq zańdaryna túzetýler engizilip otyr, olar Qylmystyq-prosestik kodeks jobasyna sáıkes keltirýge baǵyttalǵan.

Sonymen birge zańnamalyq aktilerine qylmystyq is júrgizý zańnamasyn jetildirý máselelerine jańalyqtar engizý  máselesi boıynsha zańnamalyq akti de  ekinshi oqylymda maquldandy.

parlam.kz