Rıoda tórtinshi oryn alǵan Denıs Ýlanovaqa qola medal beriletin boldy, - dep habarlaıdy Qamshy.kz QazAqparatqa silteme jasap.

Ziltemirshi Denıs Ýlanovtyń jeke bapkeri Aleksandr Devátkın Rıo-de-Janeıroda qola medal jeńip alǵan Denıstiń rýmynıalyq qarsylasynyń dopıngpen ustalǵanyn, sol sebepti qola medal tórtinshi oryn alǵan Denıs Ýlanovqa beriletinin habarlady.

-Denıs pen rýmynıalyq aýyr atlettiń ekeýi de Rıoda 390 keli kótergen edi. Biraq, Denıstiń salmaǵy odan 200 gram aýyr bolyp, qola júldeden aıyrylyp qalǵan edi. Al búgin túngi ekide dopıng-baqylaýdyń qorytyndysy jarıalandy jáne amerıkalyqtar, eýropalyqtar, tipti rýmynıalyqtar Denısty qola medalimen quttyqtap úlgerdi, ózimizdiń otandastarymyz áli keshigip jatyr. Bul aqparat olımpıadalyq saıtta tur, endi tek HOK resmı habarlamasyn kútemiz. Ashyǵyn aıtqanda, rýmynıalyqtyń ziltemir kóterýiniń ózi kúdikti bolyp kórinip edi, - deıdi bapker Devátkın.

Sondaı-aq, Denıs Ýlanovtyń bapkeri shákirtine úlken senim artatynyn aıtty.

-Ol Zyrán aýdanynan keldi jáne osynda kolej bitirdi. Áli aldymyzda kelesi jyly ótetin Álem chempıonaty bar, soǵan daıyndyq ústindemiz. Denıs áli jap-jas, jasy 22-de, áli úılenbegen, sondyqtan onyń negizgi jeńisteri áli alda. Denıs - óte talantty jigit. Rıoda kóptegen eldiń ókilderi ony aınalshyqtap júrip aldy, - deıdi Aleksandr Devátkın.