Bul týraly Qazaqstan Syrtqy ister mınıstri Erlan Ydyrysovtyń «Iadrolyq qarýsyz álem qurý» halyqaralyq konferensıasy aıasynda Japonıanyń syrtqy ister vıse-mınıstri Motome Takısavamen kezdesýi kezinde belgili boldy, - dep habarlaıdy Qamshy.kz.

Kezdesý barysynda taraptar Memleket basshysynyń aǵymdaǵy jyldyń qarashasynda Japonıaǵa sapary qarsańyndaǵy Qazaqstan-Japonıanyń saıası jáne ekonomıkalyq yntymaqtastyǵynyń jaı-kúıi men keleshegin talqylady. Ekonomıkalyq yntymaqtastyq jónindegi Qazaqstan men Japonıanyń úkimettik jáne jeke sektor birlesken komısıasynyń 6-shy otyrysyn ótkizýge sapaly daıyndyq júrgizý mańyzdylyǵy atalyp ótildi. 2017 jyly japondyq kapıtaldyq qatysýymen Qazaqstan aýmaǵynda jańa ınvestısıalyq jáne óndiristik jobalardy iske qosý kútilýde.

E.Ydyrysov Japonıa Qazaqstan úshin ıadrolyq qarýsyzdaný jáne taratpaý isindegi, atom energıasyn beıbit paıdalanýdaǵy odaqtasy sanalatyndyǵyn atap ótken. Sonymen qatar ol Qazaqstan men Japonıanyń 2015-2017 jyldary Iadrolyq synaqtarǵa jappaı tyıym salý týraly shart uıymyna tóraǵalyǵy jemisti bolaryna senimdi ekendigin aıtty.