Aqtaýlyqtar 6 jasar qyzdy zorlaǵan adamnyń jazasyn qatańdatýdy surap, QR Prezıdenti Nursultan Nazarbaevqa joldanatyn hatqa qol jınap jatyr, - dep habarlaıdy Qamshy.kz Tengrinews.kz - ke silteme jasap.
Aqtaý turǵyndary Altyngúl men Anna taıaýda Nursultan Nazarbaevqa jiberilgeli otyrǵan petısıaǵa qol jınap jatyr.
Altyngúl Ahmetova áleýmettik jelide oblys turǵyndaryna úndeý jarıalady. "Qurmetti mańǵystaýlyqtar jáne nıet bildirýshiler!!! Repost suraımyn, áriptesterińizdiń, dostaryńyzdyń arasynda osy hatty taratyńyzdarshy, biz osy hattyń mazmunymen kelisetin turǵyndardyń qolyn jınap jatyrmyz. A4 paraq alyp, aty-jónderińiz ben onyń janyna qoldaryńyzdy qoıyńyzdarshy! Qol kóp qoıylsa jaqsy! Tizim jazylǵan paraqtaryńyzdy 31 tamyzǵa deıin 28a yqshamaýdany, 9 úı meken-jaıyna jetkizip berińizdershi! Ózim barlyǵyna birdeı baryp úlgermeımin! 1 qyrkúıekte hatty Astanadaǵy keńsege joldaımyz!!! Meniń nómirim 87717536798. Beı-jaı qalmaýlaryńyzdy suraımyn!!!", - dep jazdy áıel.
Annanyń aıtýynsha, qol qoıýǵa nıet bildirgender óte kóp.
"Nıet bildirgender óte kóp, kelip jatyr. Turǵyndar bul oqıǵaǵa beı-jaı qaraı almaıdy, árqaısysy ýaıymdap otyr. Búgin Altyngúl petısıanyń mátinin alyp keledi, biz ony qoldarmen qosyp, barlyǵyn daıyndaımyz", - dedi ol.
Qazirgi ýaqytta petısıaǵa júzdegen aqtaýlyq qol qoıyp úlgerdi. Hatty joldaý merzimin ekinshi qyrkúıekke aýystyrypty, sebebi ata-analar telefon soyp, mektepterde qol qoıýǵa úlgermeı jatqanyn aıtqan.
Eske salaıyq, oqıǵa 20 tamyzda Aqtaý qalasynda bolǵan. Túske deıingi ýaqytta ájesi 6 jasar nemeresimen №1 yqshamaýdandaǵy jumysyna kelgen. Nemeresine qaraýǵa ýaqyty bolmaǵan ájesi balasyna telefon soǵyp, qyzyn alyp ketýin surapty. Birshama ýaqyt ótkennen keıin áıel óz nemeresiniń joq ekenin baıqaıdy. Bastapqyda ol nemeresin ákesi alyp ketti eken dep oılaıdy. Alaıda telefon soǵyp, qyzdyń ákesiniń kelmegenin bilgen ol nemeresin ózi izdeı bastaıdy. Joǵalǵan qyzdyń týystary ony bastapqyda ózderi izdegen. Arada 2,5 saǵat ótkennen keıin olar polısıaǵa habar bergen. Joǵalǵan qyzdy izdestirýge Mańǵystaý oblystyq ishki ister departamentiniń jeke quramy túgeldeı jumylǵan.
Polısıadaǵylar qyzdyń sol kúni 17.30 shamasynda tabylǵanyn habarlapty. Qyzdyń jaǵdaıy aýyr bolǵan, kóp qan joǵaltqan, kún ótip ketken. Tártip saqshylary ony "Nur Plaza" jaǵalaýyna qarama-qarsy saıajaıdan tapqan. Qyz balalar aýrýhanasynyń jansaqtaý bólimine jatqyzyldy. Osy ýaqytta polıseıler birneshe kúdiktini izin sýytpaı ustaǵan. Polısıanyń málimetinshe, qazirgi ýaqytta ustalǵandardyń bul qylmysqa qatysy bar-joǵyn anyqtaý úshin sot-medısınalyq saraptama júrgizilip jatyr. Al keıin polıseıler 6 jasar qyzdy zorlaǵan adamdy izdestirýge kómek surap, kúdiktiniń baǵyttamasyntaratty. Osy derekke "Zorlaý" baby boıynsha qylmystyq istiń qozǵalǵany belgili.
"Lada" basylymynyń málimetinshe, Aqtaýdaǵy avtojóndeý ortalyqtarynyń biriniń ıesi qylmyskerdi tapqandarǵa 100 myń teńge kóleminde syıaqy jarıalady.
"Ózimniń 10 jastaǵy qyzym bar, bul men úshin sumdyq qylmys. Sondyqtan óz azamattyq ustanymymdy kórsetip jatyrmyn. Polısıaǵa kómektesý úshin emes, tipti jarnamalaný úshin emes, men sol haıýannyń ustalyp, jaýapqa tartylǵanyn ǵana qalaımyn", - dedi ol.
Al osyǵan deıin qyzdy zorlady delingen kúdiktiniń túsip qalǵan vıdeosy jarıa bolǵan edi.
