Somalıdegi lańkestik áreketten ajal qushqandar sany artty. Sońǵy málimet boıynsha shabýyldan 22 adam qaza tapqan. Buǵan deıin 12 turǵyn kóz jumdy dep habarlanǵan edi. Taǵy 30-dan astamy jaralandy, - dep habarlaıdy Qamshy.kz 24.kz - ke silteme jasap.
Esterińizge sala keteıik, el astanasy Mogadıshodaǵy prezıdent rezıdensıasynyń janynda mına ornatylǵan kólik jarylǵan bolatyn. Jergilikti aqparat quraldary joıqyn jarylystan jaqyn mańdaǵy 2 aýrýhana ǵımaraty zaqymdanǵanyn aıtady.
Aldyn ala málimet boıynsha, ekstremısterdiń kózdegeni jergilikti sheneýnikter kóp toqtaıtyn qonaq úı bolǵan. Shabýyldy «Ash-SHabab» radıkaldy uıymy moınyna aldy.
