QR Prezıdenti İs basqarmasyna qarasty avtosharýashylyq kásiporny tilek bildirýshilerge qymbat kóliktermen tasymal qyzmetin kórsetetinin jarıalady, - dep habarlaıdy Qamshy.kz.
Tipti ol týraly jarnamalyq rolık te ázirlenip, jelige ornalastyrylypty.
Mersedes, Toıota, Húndaı, BMV, Nıssan, Folksvagen markaly kóliktermen tasymal qyzmetin usynýǵa nıetti kásiporyn úılený toıyna arnalǵan kortejderge shyǵatyn kólikterde ADM serıaly memlekettik tirkeý nómiri bolmaıtynyn habarlaǵan.
Prezıdenttik kortejdegi kólikterdiń qyzmet aqysy da ártúrli eken. Máselen, S klasty Mersedes-Bens jeńil kólikterdi jalǵa alýdyń quny saǵatyna 6 myń teńge, al, E klasty Mersedesterdiki 3 myń, BMV 5 myń teńgeden bastalatyn kórinedi.
«QR Prezıdentiniń İs basqarmasy avtosharýashylyǵy» RMK saıtynda tómendegideı habarlama mátini ornalastyrylǵan:
«Búgingi kúni Kásiporynda jaıly jeńil kólikter, shaǵyn avtobýstar men ártúrli markaly shetel avtobýstary, sonymen qatar VIP avtokólikteri bar. Biz ókildik klasstaǵy Mercedes, BMW, Toyota, Nissan, Volkswagen avtokólikterin, Toyota jáne Hyundai markaly jaıly avtobýstar men shaǵyn avtobýstar usynamyz.
Kóliktik qyzmetti joǵary bilikti júrgizýshiler kórsetedi, jáne de kóliktiń tehnıkalyq jaǵdaıy kúrdeli de uzaq tapsyrystarda jumys isteýge múmkindik beredi.
Kórsetilgen qyzmetke Sizderge yńǵaıly jolmen tólem tóleýge bolady: qolma-qol nemese qolma-qol aqshasyz esep aıyrysý. Kásiporyn Sizderge sapaly jáne jyldam qyzmet kórsetý, júrgizýshisi bar kólikke qolaıly baǵa jáne árbir klıentke dara til tabýdy usynady!».
