Qyzylordadaǵy "Bota" qoǵamdyq qorynyń qyzmetkerlerine Aral turǵyndaryna bólingen 26 mıllıon teńgeni urlady degen aıyp taǵylýda, dep habarlaıdy Tengrınús.

Tergeý barysynda "Bota" qoǵamdyq qorynda jumys istegen burynǵy qyzmetkerler 2012-2013 jyldary aqshadan taryqqan jergilikti turǵyndardyń qujattaryn toltyryp, banktik kartochkalar arqyly aqsha alyp otyrǵan. Alaıaqtar sol jyldary shamamen 26,76 mıllıon teńgeni jymqyrǵany anyqtalǵan.

"Bul jerde turǵyndardyń ańqaýlyǵyn aıta ketýimiz kerek. Turǵyndardyń keıbiri tipti óz qujattaryn "Bota" qorynyń qyzmetkerlerine ne úshin qajet ekenin suramastan bere salǵan. Olar tipti óz attarynan áldebireýlerdiń aqsha alyp otyrǵanyn da bilmegen", - dep jazylǵan maqalada.

Esterińizge sala keteıik, «BOTA» qory 2008 jyly qurylǵan. Onyń negizgi mısıasy - Qazaqstandaǵy áleýmettik jaǵdaıy tómen otbasylardan shyqqan balalar men jastardyń ál-aýqatyn olardyń densaýlyǵy, bilimi men áleýmettik qorǵalýyna ınvestısıa jasaý arqyly jaqsartý. Qazirgi ýaqytta Qor 3 baǵdarlama aıasynda jumys jasaıdy. 

Al, talaı búldirshin kómek kútip otyrǵan  qordyń mundaı quıtyrqy áreketke barýy  uıat eken.