Mańǵystaý oblysynyń 17 jastaǵy turǵyny óz úıinen ketip qalyp, joǵalyp ketken, - dep habarlaıdy Qamshy.kz Tengrinews.kz - ke silteme jasap.
Amandyq Satybaldıev 26 tamyzda Mańǵystaý-5 aýylyndaǵy óz úıinen keshki ýaqytta ketip qalǵan. Jas jigit qara fýtbolka, kók tústi shalbar jáne kók aıaqkıim kıgen.
Ákesi balasynyń úsh jyl boıy bir qyzben kezdesip júrgenin jáne qyzynan óz sezimin jasyrmaǵanyn aıtty. Amandyqtyń áke-sheshesi ekeýine qoldaý kórsetken, alaıda qyz jaq kelisim bermegen kórinedi.
"Onyń anasy ekeýiniń qarym-qatynasyna qarsy bolatyn. Amandyqtyń ketýinen bir kún buryn WhatsApp arqyly jazysqan, ol óziniń qyzynyń telefonyn alyp, Amandyqqa ekeýiniń aıyrylysýyn jazǵan. Alaıda meniń ulym qyzdy jaqsy kóretinin aıtyp, odan aıyrylmaıtynyn aıtqan, - deıdi Amandyqtyń ákesi Murat Ishımbekov.
Osy hat almasýdan keıin bir kún ótkende Amandyq úıden ketip qalady. Keter kúni ol WhatsApp messendjeriniń profılinde jazba qaldyryp ketken: "Bir kúni sen de meni saǵynasyń, Durys túsin osy sózdiń maǵynasyn...".
"Árıne biz balamyzdyń joǵalyp ketkeni jóninde polısıaǵa habar berdik. Amandyqtyń telefony sóndirýli", - dedi balanyń ákesi.
"Amandyq sypaıy ári tik minezdi bolǵan. Shylym shekpeıtin, ishimdik ishpeıtin, sportpen aınalysatyn, beltemirge tartylǵandy unatatyn", - deıdi ákesi. Qazir ony úıinde anasy men ákesi 5 jastaǵy qaryndasy men toǵyz jastaǵy inisi kútip otyr. Sonymen qatar, qyzben jáne onyń ata-anasymen habarlasý múmkin bolmaı otyr.
"Joǵalǵan Muratty týystary men dostary jáne barlyq tanysary izdestirip jatyr. Eger onyń qaıda turyp jatqanyn bilseńiz bizge habarlasýdy muraımyz", - deıdi balanyń ákesi. Amandyqtyń qaıda júrgenin bilseńizder tómendegi telefondarǵa habarlasyńyzdar - 8 778 382 2540 jáne 8 775 379 3344.
