Aldaǵy ýaqytta QMDB Ábý Hanıfa zertteý ortalyǵyn qurady, dep habarlaıdyTengrinews.kz tilshisi Bas múftı Erjan Maıamerovqa silteme jasap.

Astanada QR Din isteri agenttigi "Ortalyq Azıadaǵy ıslamnyń róli" degen taqyrypta halyqaralyq konferensıa ótkizgen bolatyn. Jıyn barysynda sóz sóılegen Qazaqstan Respýblıkasynyń bas múftıi Erjan Maıamerov ıslamdy órkendetýge qatysty, "Aldaǵy ýaqytta Ábý Hanıfa zertteý ortalyǵy qurylady", - dep málimdedi.

Atalǵan konferensıada ıslamnyń damýyna aıtarlyqtaı úles qosqan Ortalyq Azıanyń róli talqylandy. Din salasyndaǵy qarym-qatynasty retteý jáne dinı ekstremızmge qarsy turý máselelerimen aınalysatyn Reseı, Ózbekstan, Tájikstan, Qyrǵyzstan, Túrkıa, Egıpet elderinen sarapshylar men dintanýshylar qatysty.

Jıyn barysynda ıslam dininiń róli men Qazaqstan men Ortalyq Azıa memleketteriniń  mádenı jáne rýhanı turǵydan damýyndaǵy yqpaly talqylanyp, Ortalyq Azıa aımaǵynan shyqqan musylman oıshyldarynyń ǵylymı, ádebı, mádenı muralarynyń qazirgi ýaqyttaǵy ekstremıstik ıdeıalardyń taralýyna ıdeologıalyq turǵyda bóget bola alatynyn ataldy.

"Ortalyq Azıa ıslam damýynyń  tarıhı ortalyǵy. Buǵan osy aımaq ǵalymdarynyń baı murasy men ıslam damýyna qosqan úlken úlesi kýá bolyp otyr. Degenmen atqarylatyn ister áli de jeterlik. Sebebi, ıslam dininiń áleýmettik -mádenı fenomeni san qyrly jáne pánaralyq zertteýdi talap etedi", - dedi Din isteri agenttiginiń tóraǵasy M.Ázilhanov.