Pedofılderge ólim jazasy kesilýi múmkin. Májilis depýtaty, bala quqyqtary jónindegi ýákil Zaǵıpa Balıeva osylaı dedi, - dep habarlaıdy Qamshy.kz Astana arnasyna silteme jasap.

Aıtýynsha, balalarǵa zábir kórsetkender áýeli zań aıasynda jazalanady. Dese de, májilismen bularǵa qatysty zań álsiz ekenin moıyndaıdy. Osyǵan oraı aldaǵy ýaqytta qujatqa taǵy da ózgerister engizilmek. Eger osydan keıin de qylmys qatary azaımasa, ólim jazasyn qoldanamyz, - dep qosty depýtat. 

Zańdy qatańdatý kerek. Sebebi qazir onnan on bes jylǵa deıin túrmege jiberedi. Menińshe, búkil ómirge túrmege jabý kerek, - deıdi QR Parlament Májilisiniń depýtaty Zaǵıpa Balıeva.

Búgin Densaýlyq saqtaý jáne áleýmettik damý mınıstri Aqtaýda zorlanǵan 6 jasar qyzdyń jaǵdaıy áli de aýyr ekenin aıtty. Kóp qan joǵaltqan sábı esin jıaǵan joq. Jaqynda ol sanavıasıamen Astanaǵa jetkizilgen bolatyn.