Qazaqstandyq shahmatshy Jansaıa Ábdimálik BAÁ Shardjda ótip jatqan áıelder jáne erler arasyndaǵy klasıkalyq shahmattan Azıa chempıonatynda úshinshi oryn aldy.

Taıaýda erler men áıelder arasynda Azıanyń resmı chempıonaty ótti. Áıelder tobynda 23 shahmatshy, erler tobynda 37 shahmatshy qatysty. Áıelder tobynyń ishinde 14 jasar Jansaıa jalǵyz qazaqstandyq qyz.

Reıtıń boıynsha qazaqstandyq shahmatshy qatysýshylar tiziminde 15-inshi boldy. Jansaıa toǵyz partıada 6,5 upaı jınady jáne qosymsha kórsetkishter boıynsha úshinshi oryndy ıelendi. Ol ataqty úndi grossmeıstri Harıka Dronavallıge jol berdi. Birinshi oryndy qytaılyq Tan atty qyz jeńip aldy. Marapattaý saltanatynda týrnırdi uıymdastyrýshylar qazaqstandyq shahmatshynyń áıelder arasyndaǵy Azıa chempıontanda júldegerler qatarynan kóringenine tańǵalǵandaryn jasyrmady. Klasıkalyq shahmat boıynsha Azıa chempıontay 26 cáýirde aıaqtalady.