Reseı prezıdenti Vladımır Pýtın Keńes odaǵyn qaıta qalyptastyrýdy armandaıdy. Bul týraly Ýkraınanyń premer- mınıstri Arsenıı Iasenúk NBC telearnasynyń  "Meet the Press" baǵdarlamasynyń efırinde aıtty, dep habarlaıdy  Tengrinews.kz.

 Baǵdarlamanyń júrgizýshisi Devıd Gregorı Ýraına premer mınıstrinen Pýtınniń "Ýkraındyqtar men orystar - túbi bir halyq. Kezinde Ýkraınanyń ońtústik bóligi "Novorossıa" dep atalǵan" degen sózine pikir bildirýdi suraǵan bolatyn. Osy saýalǵa Iasenúk "Pýtın Keńes odaǵyn qaıta qalpyna keltirýdi armandaıdy. Jáne kúnnen kúnge osy oıyn júzege asyrǵysy keledi. Onyń qashan qalaı toqtaıtyny belgisiz" dep jaýap berdi.

Aıta ketý kerek Pýtın 2014 jyldyń 18 naýryzynda Federaldyq Keńeste sóılegen sózinde "túbi bir halyq" týraly aıtqan bolatyn. Keıinnen 2014 jyldyń 17 sáýirinde telekópirde "Novorossıa" týraly aıtty. Esterińizge sala keteıik, 2014 jyldyń 17 sáýirinde ótken dástúrli "tikeleı efırde" Pýtın: "Ýkraına daǵdarystan shyǵý úshin onyń ishindegi saıası kúshter bir mámilege kelýi kerek. Ol úshin eń aldymen Ýkraınanyń ońtústigi men shyǵys bóligindegi halyqtyń kózqarasyna nazar aýdarǵandary jón. Bul aımaq kezinde Novorossıa dep atalǵan. Keıinnen bul óńir Reseı qaramaǵynan ketse de, ondaǵy halyq sol aımaqty mekendep qaldy" degen edi.

"Ýkraına Úkimet basshysynyń aıtýynsha Reseı kóshbasshysynyń ózi oılap tapqan maqsatyna jetý úshin qandaı áreketterge baratynyn belgisiz. Ol Keńes odaǵynyń ydyraýyn XX ǵasyrdyń eń úlken qasireti dep ataǵan bolatyn. Menińshe, eger Keńes odaǵy qaıta qalpyna keletin bolsa, qazirgi zamannyń eń úlken qasireti osy bolmaq", deıdi Iasenúk.