Reseılik «Vkontakte» áleýmettik jelisiniń negizin salýshy Pavel Dýrov óz kompanıasyndaǵy jumysynan shettetildi. Tipti ol óziniń jumystan ketkenin aqparat quraldarynan estip bilgen. Atalǵan jeliniń atqarýshy dırektory Pavel Dýrov osyǵan deıin Reseı qaýipsizdik qyzmeti (FSB) ózine qysym jasaǵanyn málimdegen bolatyn. FSB odan jelide tirkelgen «Eýromaıdan» belsendileriniń málimetterin berýdi suraǵan ári reseılik korrýpsıamen kúresýshi belsendi Alekseı Navalnyıdyń saıttaǵy tobyn jabýdy talap etken. Sáıkesinshe Dýrov talapty oryndaýdan bas tartqan bolatyn. Osyǵan baılanysyty Ótken aptada Dýrov Reseı federaldyq qaýipsizdik qyzmetiniń qysymymen kompanádaǵy ózine tıesili 12 paıyz aksıasyn satýǵa májbúr bolǵanyn jazǵan edi. «Azattyq» radıosy atap kórsetkendeı «Vkontakte» áleýmettik jelisi endi Reseı prezıdenti Pýtınniń senimdi ókilderi Igor Sechın men olıgarh Alısher Ýsmanovtyń yqpalyna tolyqtaı kóshti. Budan bylaı atalmysh jeli FSB- nyń qatań baqylaýynda bolyp, jelide salynǵan aqparattar súzgiden ótetin bolady.
"Abaı-aqparat"
