«Oralmandar jóninde ótken jyly jańa zań qabyldaǵan bolatyn. Sol zańǵa sáıkes eger de Qazaqstanda oralmandardy qabyldaıtyn aımaqtar bekitilip, sol óńirlerge azamattar barǵan kezde olarǵa oralman mártebesi berilgen. Al, eger olar basqa aımaqtarǵa baratyn bolsa, «oralman» mártebesi alynyp tastalǵan bolatyn. Búgin úkimette biz bul máseleni qaıta qarap, qazir bizdiń qandastarymyz respýblıkanyń qaısy oblysyna baratyn bolsa da, sol jerde olarǵa oralman mártebesi beriletin boldy»,- dedi T.Dúısenova «Ekinshiden, jańa zańymyzda kórsetilgendeı, belgili bir óńirden basqa óńirge kóshse, onda oralmandar shetel azamattary sıaqty ózderiniń tóleý qabilettiligin dáleldep, sodan keıin ýaqytsha turýǵa múmkindik alatyn edi. Qazir maquldanǵan sheshimge baılanysty azamattar, etnıkalyq qazaqtar, óziniń tóleý qabilettiligi jóninde esh dáleldeme talap etilmeıdi, elimizdiń azamattyǵyn alý úshin úlken tosqaýyldar bolmaıdy. Eger aldyńǵy zańymyzda shetelden kelgen qandastarymyz oralman mátebesin alyp, 7 jyldan keıin ǵana memlekettiń azamattyǵyn ıe bolsa, qazir qaıtyp kelgennen keıin 1 jyldyń ishinde azamat oralman mártebesin alady, sodan keıin 1 jyldan soń memleket azamattyǵyn ala alady», - dep tolyqtyrdy ol. Sonymen qatar, mınıstr shetelden oralǵan azamattardyń beıimdelýi men yqpaldasýy úderisin jedeldetý, jumyspen qamtý máseleleri sheshý maqsattarynda oralmandardy eńbek resýrstary jetkiliksiz bolyp otyrǵan óńirlerge tartýǵa áreket jasaý kózdelýde dep málimdedi. «Qaısy aımaqqa baram dese de, ol - qandastarymyzdyń óz erki. Biz anyqtaǵan eńbek resýrstary jetispeıtin óńirlerge baratyn bolsa, onda ol azamattarǵa qosymsha áleýmettik paket beriletin bolady», - dep ol. Dına Qulmaǵanbetova BNews.kz