Búgin Astanany damytý jónindegi keńeste Memleket basshysy Nursultan Nazarbaev qalanyń negizgi mindetin bilgilep berdi. Elorda adam ómiri úshin barynsha yńǵaıly ordalardyń qataryna kirýi tıis.

Prezıdenttiń aıtýynsha, Astananyń negizi qalanǵaly beri 16 jyl ótse de, biraz jumystar atqaryldy. "Biz memleketimizge saı elordany salýdy kózdedik. Qazir bolsa, biz ózimiz úshin budan da joǵary maqsat qoıyp otyrmyz. Astana adam ómiri úshin barynsha yńǵaıly ordalardyń qataryna kirýi tıis. Biz tabıǵaty men aýa-raıy bizdikine uqsas Kanada men Sıngapýrdyń qalalarymen terezesi teń bolatyn qalany salýymyz qajet", - deıdi Memleket basshysy.

Óz sózinde Elbasy Astanaǵa bir mıllıonnan astam týrıstiń kelip ketkeni jaıynda aıtty. Olardyń 100 myńy - sheteldikter. "Aldymyzda EXPO-2017 halyqaralyq kórmesi bar. Onyń qurylysyn kóktemde bastap otyrmyz. Sonyń arqasynda jazda biraz jumysty bitirýge bolady. Qurylysqa jaýapty azamattar bárin der kezinde bitiredi degen senim bar", - dep atap kórsetti N.Nazarbaev.  etiledi.

Sondaı-aq,  elbasy Astananyń ortalyǵyndaǵy bos  jaatqan  jerlerdiń qoqys alańdaryna aınalǵanyn  qatań eskertti. "Bul jerler  paıdalanbaǵandyqtan,  qoqys ornyna aınalyp ketken. Jer bos jatqan soń, turǵyndardyń qoqys ákelip tastaıdy",- deıdi bos jatqan jerler týraly elbasy.

Tengrinews.kz