Elimizde bir qolǵa beriletin ańshylyq qarýyn 10-nan 4-ke deıin shekteý usynylyp otyr, - dep habarlaıdy Qamshy.kz.
QR Ishki ister mınıstriniń orynbasary Rashıd Jaqypovtyń aıtýynsha, Qazaqstan búginde terorızmmen betpe-bet kelip otyrǵandyqtan, qaýipsizdik úshin syndaı shekteý engizý qajet. Bul týraly ol búgin Májiliste "Qazaqstan Respýblıkasynyń keıbir zańnamalyq aktilerine ekstremızmge jáne terorızmge qarsy is-qımyl máseleleri boıynsha ózgerister men tolyqtyrýlar engizý týraly" zań jobasy boıynsha jumys tobynynyń ekinshi otyrysynda aıtty.
"Biz oıyq uzyn oqpandy azamattyq qarýǵa shekteýdi qaıta engizýdi usynyp otyrmyz. Óıtkeni osy qarýdy urlaý, tıisti jaǵdaıda saqtamaý faktileri bar. Buryn elimizde jaǵdaı qalypty bolǵanda, mundaı áńgime bolǵan joq. Al qazir biz terorızmmen betpe-bet kelip otyrmyz", - deıdi R.Jaqypov.
Sondyqtan, onyń aıtýynsha, memleket zańsyz aınalymǵa qosymsha qarý túsip ketpeýin baqylaýy qajet.
"Terrorıster bir úıden 1-2 nemese 10 qarý urlaı ma - aıyrmashylyq úlken. Iaǵnı, qylmyskerler úıde 10 qarý bar ekenin biletin bolsa, shabýyl jasaıdy da, sóıtip, 10 adam bir mezette qarýlanyp shyǵa keledi. Sondyqtan biz bul shekteýdi jaıdan-jaı engizip jatqan joqpyz, qaýipsizdik úshin kerek", - dep otyr vıse-mınıstr.
Búginde elimizde 210 myńǵa jýyq adam qarý ustaý quqyǵyna ıe. Al 35 myń adamnyń eki jáne ekiden kóp qarýy bar.
"Sonda bizge osy 35 myń adamnyń ba, álde búkil qoǵamnyń múddesi qymbat pa?! Biz adamdardyń qarý satyp alýyna qarsy emespiz. Biraq nelikten oǵan ekeý emes, on qarýdyń qajet bolǵanyn dáleldeńizder. Árıne, ańshylyqtyń túr-túri bar ekenin túsinemin. Bul rette adam qandaı ańshylyqpen aınalysatynyn tańdasyn. Biz bul shekteýdi Qazaqstanda terorızm bolmaǵanda engizber edik. Bolashaqta zańsyz qarý ıelenýdiń barlyq múmkindikteriniń jolyn keskenimiz jón. Bul oraıda biz atys qarýyn ıelený boıynsha adamdardyń quqyǵyn shektep otyrǵanymyz joq. Biraq, meniń oıymsha, bir qolǵa 4 qarý jetkilikti", - dedi vıse-mınıstr.
Aıta keteıik, qazir Májiliste "Qazaqstan Respýblıkasynyń keıbir zańnamalyq aktilerine ekstremızmge jáne terorızmge qarsy is-qımyl máseleleri boıynsha ózgerister men tolyqtyrýlar engizý týraly" zań jobasy talqylanyp jatyr. Búgin jumys tobynyń ekinshi otyrysy ótti. Zań jobasyn talqylaýǵa úkimettik emes uıymdardyń ókilderi, sarapshylar belsendi atsalysýda. Parlament elimiz úshin asa mańyzdy osy zańdy qabyldarda barlyq usynystar men túzetýlerdi eskeredi. Bul Prezıdenttiń tapsyrmasy.
Atalǵan zań jobasynda ekstremıstik jáne terorıstik qylmystar úshin jazalaý sharalaryn kúsheıtý, qarý-jaraqtyń zańsyz aınalymy, zańsyz kóshi-qon jáne esitki bıznesi salasyndaǵy qylmystar boıynsha balama tergeýdi engizý, atýǵa daıyn turǵan qarý-jaraq satýǵa tyıym salý, qarý-jaraq, oq-dári men jarylǵysh zattary bar nysandaryn kúzetetin uıymdarǵa erekshe talatar belgileý, qarý-jaraq aınalymyna, ony saqtaý tártibine baqylaýdy kúsheıtý, sonyń ishinde azamattyq jáne qyzmettik qarý-jaraq pen oq-dárilerdiń aınalymy salasynda jumys isteıtin, sondaı-aq kúzet qyzmetin júzege asyratyn kásipkerlik sýbektilerdi memlekettik baqylaýdyń erekshe tártibin qolǵa alý, ekstremızm men terorızmge yqpal etetin dinı toptar men birlestikterdiń is-áreketterine tyıym salý, kúzet qurylymdarynyń jáne terorıstik qaýip turǵysynan durys kúzekte alynbaǵan nysan ıeleriniń terorızmge qarsy is-qımyl týraly zańnamany saqtamaǵany úshin, sondaı-aq arnaıy texnıkalyq quraldardyń jaramsyzdyǵy úshin ákimshilik jaýapkershiligin belgileý, jeke tulǵalardy tirkeý tártibin buzǵan adamdar úshin keıbir memlekettik qyzmet kórsetýge ruqsat berýdi shekteý, eldi mekenderde ómir súrýdiń sanıtarlyq normalaryn belgileý, sondaı-aq zańnamany buzǵan jaǵdaıda sheteldikterdi elden shyǵarý úshin negizdemelerdi naqtylaýǵa baǵyttalǵan túzetýlerdi birqatar zańnamalyq aktilerge engizý sharalary qarastyrylǵan.
