28 sáýirde Qazaqstan Prezıdenti Nursultan Nazarbaev M.V.Lomonosov atyndaǵy Máskeý memlekettik ýnıversıtetinde eýrazıalyq ıntegrasıa taqyrybynda dáris oqıdy, - dep habarlaıdy Tengrinews.kz tilshisi QR Prezıdentiniń resmı saıtyna silteme jasap.
Aqordanyń baspasóz qyzmetiniń habarlaýynsha, budan soń Elbasy 29 sáýirde Mınskide Qazaqstan, Reseı jáne Belarýs prezıdentteriniń qatysýymen ótetin Joǵary Eýrazıalyq ekonomıkalyq keńestiń otyrysyna barady. Kremldiń baspasóz qyzmeti keńes otyrysynda Keden odaǵy men Biryńǵaı ekonomıkalyq keńistik sheńberindegi ózarayqpaldastyqtyń negizgi baǵyttary talqylanatynyn habarlaıdy. Nazarbaev, Pýtın men Lýkashenko odaqtas úsh el úkimetteriniń Eýrazıalyq ekonomıkalyq odaq týraly shart jobasyn ázirleý jónindegi jumystaryn qorytyndylap, jobany mamyr aıynda Astanada qol qoıýǵa daıyndaıdy.
Aıta keteıik, Eýrazıalyq ekonomıkalyq odaq 2015 jyldyń 1 qańtarynda óz jumysyn bastaýy kerek. Keden odaǵyna múshe úsh eldiń basshylary eýrazıalyq ekonomıkalyq ıntegrasıa qatysýshylaryn keńeıtýdi, oǵan Armenıa men Qyrǵyzstandy qosý máselelerin qarastyrady.
