ISHIM (QR aýmaǵynda zańmen tyıym salynǵan uıym – red.) lańkesteriniń tutqynǵa túsken qyz-kelinshekterdi Saýd Arabıasyndaǵy jasyryn aýksıondarda saýdalap kelgeni belgili bolyp otyr. Bul jaıynda Irak áskerıleri dálel keltirip otyr, - dep habarlaıdy Qamshy.kz muslim.kz – ke silteme jasap. 

Irak áskerıleri Ash-SHırkat qalasyn azat etý barysynda qaza tapqan sodyrlardyń biriniń qalta telefonynan «qyzdar saýdasynyń» sýretterin taýyp alǵan. Sýrettegi satyp alýshylardyń saýdıalyq dástúrli kıimde ekeni anyq ańǵarylady. Bul jaıynda India Times baspasyna silteme jasaı otyryp, IslamNews saıty habar taratyp otyr.

«Sýretter Saýd Arabıasyndaǵy jasyryn aýksıonda túsirilgen. Sondaı-aq, telefon ıesiniń qonaq úı ishinde tutqyn áıeldermen bolǵan ádepsiz áreketteriniń de sýretteri de bar. Sýretterdiń túsiriligen ýaqyttaryna sáıkes onyń uzaq ýaqyt boıy ISHIM quramynda bolǵanyn aıtýǵa bolady», – deıdi ıraktyq áskerı zertteýshi.

Seks-quldyqqa túsken qyz-kelinshekterdi tek saýdıalyqtar ǵana emes, Batys memleketteri men basqa da elderdiń azamattary satyp alatyny jaıly derekter bar. Jaqynda ǵana seks-quldyqtan azat etilgen 18-jastaǵy boıjetken ózin satyp alǵan «qojaıyny» men radıkal arasyndaǵy dıalogty qulaǵy shalyp qalǵanyn aıtady. Álgi lańkestiń aıtýynsha, «tek sırıalyqtar men túrikterge jáne Taıaý Shyǵys memleketteriniń azamattaryna ǵana úsh áıelden artyq satylatyn kórinedi».