Seısenbi kúni sýǵa batyp ketken «Sewol» paromynyń jolaýshylaryn izdeý kezinde súńgýir esinen tanyp, qaıtys boldy.

Ulttyq teńiz polısıasy agenttiginiń (jaǵalaý kúzeti) ókili habarlaǵandaı, súńgýirmen baılanys sý astyna túskennen keıin 5 mınýt ótken soń úzilgen. Ony sý betine alyp shyqqanda kezde ol tynys almaǵan. Keıinnen onyń kóz jumǵany aýrýhanada rastaldy. Baqılyq bolǵan súńgýir paromdaǵy jolaýshylardy izdeý jumystaryna jumyldyrylǵan Undine Marine Industries kompanıasynda qyzmet etken. Esterińizge salyp óteıik, «Sewol» paromy 16 sáýir kúni Chedjý aralynyń jaǵalaýynda apatqa ushyrap, sý túbine ketken bolatyn. Keme bortynda 476 adam bolǵan. Onyń tek 164-in ǵana qutqarý múmkin boldy. Ekıpaj músheleriniń eshqaısysy zardap shekken joq. Olar sýǵa batyp bara jatqan kemeni alǵashqylardyń biri bolyp tastap ketken. Qazir olardyń barlyǵy qamaýda otyr, olarǵa túrli aıyptaýlar taǵyldy.

BNews.kz