Taldyqorǵanda uztazdar kúnine oraı, Almaty oblysynyń ákimi Amandyq Batalovtyń qatysýymen saltanatty shara ótti dep habarlaıdy Qamshy.kz tilshisi.

Uztazdardy ulyqtaýǵa arnalǵan jıyn «Jastar» sport saraıynda uıymdastyryldy. 

Balalar shyǵarmashylyq ortalaqtarynyń uıymdastyrǵan konserttik baǵdarlamamen shymyldyǵyn ashqan shara, oblys basshysy Amandyq Ǵabbasulynyń quttyqtaý sózimen jalǵasty. 

«Ustaz – qoǵamdaǵy eń qurmetti de qadirli mamandyqtardyń biri. Óıtkeni, adamı qasıetterdń boıyna sińirgen shynaıy ustaz óz shákirtiniń júregine bilimge degen qushtarlyqty jáne Otanyna degen súıispenshilikti uıalatady», – dep muǵalimniń qoǵamdaǵy rólin atap ótken óńir basshysy, Jetisý jerindegi bilim salasyna qatysty jetistikterge kóńil aýdardy.

«Búginde 2011 jylmen salystyrǵanda bilim salasynyń búdjeti 2 esege ulǵaıyp, 148 mlrd.teńgeni quraýda. Táýelsizdik alǵannan beri oblysymyzda 174 jańa bilim berý mekemeleri boı kóterdi. Qazir óńirimizde 21 mekteptiń qurylysy eúrýde. Bilim kúnine oraı, 6 mektep esigin ashsa, jyl sońyna deıin taǵy 3 mektep paıdalanýǵa berilmek», - deıdi óńir basshysy. 

Budan keıin Amandyq Batalov ustazdardyń kásibı biliktiligin arttyrý maqsatyndaǵy keshendi jumystarǵa toqtalyp, sonymen birge, muǵalimderdiń materıaldyq jaǵdaıyn kóterý sharalaryn tizbektep ótti.

Oblys basshysynyń quttyqtaý sózi marapattaý rásimine ulasyp, ustazdar hám bilim berý mekemeleri arasyndaǵy 7 túrli nomınasıada ótken baıqaý qorytyndylary jarıalandy. Nátıjesinde «Jyldyń údik muǵalimi» baıqaýynda Jambyl aýdany Ú. Káribaev atyndaǵy orta mektebiniń bıologıa pániniń muǵalimi Gúlhan Nýrgazıeva jeńimpaz atanyp, oblys ákiminiń qolynan temir tulpardiń kiltin aldy.