Qazaqstanda Andjelına Djolıdiń qatysýymen «Disney» stýdıasymen túsirilgen «Uıqydaǵy arý» fılminiń jańa nusqasy qazaq tilinde kórsetiledi, dep habarlaıdy «Meloman» portaly.

Disney stýdıasynyń «Malefısenta» fılminiń Qazaqstandaǵy kórsetilimi 2014 jyldyń 29 mamyrynda bastalady.  Bul eski «Uıqydaǵy arý» fılminiń jańa nusqasy. Ondaǵy oqıǵanyń jelisin zulym mystan (Andjelına Djolı) áńgimeleıdi. Onda kórermender epıkalyq qaqtyǵystarǵa toly sıqyrly álemge sapar shegedi.

«Malefısenta» 2014 jyly Gollıvýdtaǵy stýdıanyń qazaq tiline aýdarylǵan ekinshi fılmi bolmaq. Qazaq tilindegi dýblájdy «Bolashaq» qaýymdastyǵy men MARWIN kompanıasy, «Samuryq-Qazyna» UÁQ» AQ-nyń qarjylandyrýymen jasady.

Aýdarma Almatydaǵy Cinema Tone Production stýdıasynda jasalyp otyr.

«Malefısentany» tárjimalaýǵa jalpy sany 20 akter qatysqan. Ataqty  Gollıvýd aktrısasy Andjelına Djolıdiń daýysyn Gúlnáz Áýesbaeva saldy.

QazAqparat