Ataqty Fılıppın sporshysy Mennı Pakáo el Prezıdentiniń nasha saýdasymen kúresin qoldap, óziniń buǵan deıin nashany jıi paıdalanǵanyn moıyndady, - dep habarlaıdy Qamshy.kz.   

Álemniń segiz salmaq dárejesi boıynsha burynǵy chempıony Mennı Pakáo nashanyń barlyq túriniń dámin tatqanyn aıtty. Bul týraly ol el basshylyǵynyń nasha saýdasymen jáne nashaqorlyqpen kúres jónindegi aksıasyna qatysty talqylaýlar kezinde málimdegen.

"El Prezıdenti meniń nasha tájirıbem týraly bilmeıdi. Men nashanyń dámin tatqam. Nashanyń kóptegen túrin, barlyq túrin..." dedi Pakáo. Ataqty sportshy chempıon bolǵanǵa deıin kóp jyldar boıy nashamen áýestengenin de jasyrmady.

Mennı Pakáo kásibı rıngte 58 ret jeńiske jetken. Onyń 38-i nokaýtpen aıaqtalǵan. Jekpe-jektiń altaýynda jeńilgen ol eki kezdesýdi tepe-teń aıataǵan.  Búginde ol Fılıppın senatynda qyzmet atqarady.

Esterińizige salaıyq, Fılıppıniń bıyl saılanǵan Prezıdenti Rodrıgo Roa Dýterte bılik basyna kele sala nashaqorlarmen jáne nasha saýdasymen aınalysatyndarmen kúresti bastap ketti. Osy eldiń polısıasy taratqan málimet boıynsha Dýterte bılikke kelgeli beri bul elde nashamen baılanysty 2,4 myń adam ólim jazasyna kesilgen.