Jańa qonysqa kirgenimizde aǵaıyn-týystar men kórshi-qolańdy shaqyryp, dastarqan jaıý qazaqı dástúrimiz. Bul sharıǵat boıynsha shaqyrylǵanda barý mustahab bolyp tabylatyn bes toı-tomalaqtyń qataryna jatady. Sharıǵatta bul qonaq asyn ýákıra dep ataıdy. Ýákıra – úı qurylysy bitýine oraı jaıylǵan dastarqan. Sonymen birge, tómendegideı amaldardy jasaǵan jón:

1. Shańyraqqa kirgende duǵa oqý. Hadıste rıýaıat etilgen duǵa mynadaı: «Áýzý bıkálımátıl Láhı át-támmá mın shárrı má holáq» (maǵynasy: Alla jaratqan barlyq maqulyqtardyń zıankesinen Alla Taǵalanyń barsha sózderimen pana suraımyn). Haýlá Hakımqyzy (r.a.) rıýaıat etken hadıste: «Kimde-kim bir úıge kiretin bolsa, «Áýzý bıkálımátıl Láhı át-támmá mın shárrı má holáq» dep aıtsyn. Mine, sonda ol jerden kóship ketkenshe eshbir zıandyq kórmeıdi[1]», – dep aıtylǵan.

2. Baqara súresin oqý. Ábý Hýraıra (r.a.) rıýaıat etken hadıste: «Úılerińdi beıit sıaqty etip jibermeńder. Shyndyǵynda, Baqara súresi oqylǵan shańyraqtan shaıtan qashady[2]», – dep aıtylǵan.

3. Tańerteńgilik jáne keshki duǵalardy oqyp júrý;

4. Amanshylyq bolsyn ári túrli zıankesten saqtasyn degen nıetpen sadaqa berý jáne nyǵmetter úshin Jaratqanǵa shúkirshilik etý.

Derekkóz: muslim.kz