Fransıanyń soltústigindegi Kale aýdanynda polısıa bosqyndar men olardy qoldaǵan ereýilshilerge qarsy sýatqysh pen kózden jas aǵyzatyn gaz qoldanǵan. Ereýilshiler lagerlerdegi jaǵdaıdy jaqsartýdy talap etken, - dep habarlaıdy Qamshy.kz.

 Bastapqyda bundaı ereýilderge tıym salynǵanyna qaramastan bosqyndar men olardy qoldaýshylar kóshege shyǵyp, urandatqan.  

Sondaı-aq belgili bolǵanyndaı, ereýilge qatysý úshin Parıjden shyqqan 150  adamdy polısıa joldan bógep, soltústik aılaqtan 48 shaqyrym qashyqtyqtan jibermeı qoıǵan.   

Buǵan deıin habarlanǵandaı, Fransıa Prezıdenti Fransýa Olland  Kaledegi bosqyndardyń búkil el aýmaǵyna ornalastyrylatynyn aıtqan bolatyn.

Al Kaledegi bosqyndar lageriniń aınalasyna ondaǵylar aılaqqa nemese Eýrotonnel termınalyna ótip ketpes úshin  temir qorshaýlar ornatylǵan.