Sanaýly kúnder buryn ǵana qytaıdaǵy qandastarymyzdyń basyna kelgen jaǵdaı týraly alǵashqy bolyp jazǵan edik. Úrimji qalasy mańyndaǵy jol jóndeýshi jumysshy qytaılar birneshe qazaq otbasynyń ózderine tıisti jer telimderine eshqandaı ruqsatsyz, eskertýsiz qurylys júrgizgen. Kedergi keltirmek bolǵan qandastarymyzǵa qytaı jumysshylar áńgir taıaq oınatyp, qyz demeı, bala demeı, birneshe kisini soqqyǵa jyqqan. Ulan esimdi qazaq balasyn qýalap júrip sabap, «Bular ıesi joq, taýda júrgen mal, óltirip tastasaq ta eshkim izdemeıdi. Qunyn tólep qutylamyz» dep búkil qazaqty qorlaǵan edi. Qazaq múddesin tý etip kótergen aqparat quraldary jumysshy qytaılardyń óreskel isin aıyptap, eki eldegi joǵarǵy oryndardyń aralasýyn talap etken bolatyn. Keshe ǵana bassyzdyq áreketterge barǵan jumysshy qytaılardyń basshylyǵy tómendegi resmı keshirim suraý hatyn jarıalady:
Úrimji qalasy shyǵys aınalma joǵarǵy jyldamdyqty trassasy qurylysy barysyndaǵy zardap tartýshylardan keshirim suraý haty
Qurmetti jaralanýshylar jáne týys-týǵandary:
Ujymymyz (Juń jıaý toby ekinshi qurylys brıgadasy) Úrimji qalasy shyǵys aınalma joǵarǵy qarqyndy trassasynyń ekinshi jol bólegi qurlysyn júrgizý barysynda jumysshylardy basqarýdyń bosań bolý sebebinen, jumysshylarymyz zańsyz túrde jergilikti turǵyndardy uryp jazalaý oqıǵasyn keltirip, turǵyndardyń ishki dúnıesine aýyr jaraqattar qaldyrdy. Sondaı-aq qoǵamdyq ortada nashar áser qaltyrdy. Biz shyn nıetimizben jaralanǵandardan jáne týys-týǵandarynan keshirim suraımyz. Jáne biz belsendi túrde emhanalarmen selbese otyryp, jaralanǵandardyń jaqsy emdelýine jáne zıanǵa ushyraǵan mal-múlikterine tolyqtaı tólem tóleýge ýáde beremiz. Sondaı-aq qaýipsizdik organdarynyń atalǵan ýaqıǵa boıynsha zań aıasynda tekseris júrgizýine kómek kórsetemiz. Budan keıin qurylys júrgizý barysynda ár qandaı zańsyz áreketter týdyrmaýǵa kepildik etemiz. Sóz sońynda taǵy bir ret jaralanǵandardan shyn júregimizden keshirim suraımyz.
- Juń jıaý toby ekinshi qurylys brıgadasy. 08.05.2014
Abai.kz
