Bir nómirin Gıtlerge arnap, basy aıyqpas daýǵa qalǵan "Juldyzdar otbasy-Ańyz" jýrnaly búgin úlken kólemde kólemde aıyppul aldy. Almaty qalasy mamandandyrylǵan aýdanaralyq ákimshilik soty «Juldyzdar otbasy-Ańyz adam» jýrnalyna QR «Buqaralyq aqparat quraldary týraly» zańnyń 15 babynyń 1 tarmaǵynyń 8 tarmaqshasyn buzǵan degen kiná taǵyp, QR Ákimshilik quqyq buzýshylyq týraly zańnyń 350 babynyń 1 tarmaǵyna saı 20 aılyq eseptik kórsetkish, ıaǵnı 222 myń 240 teńge (shamamen 1200 AQSH dollary) kóleminde aıyp saldy.
Almaty qalasy İshki saıasat basqarmasynyń BAQ-na júrgizgen monıtorıńi boıynsha, "Juldyzdar otbasy", "Ańyz adam", "Juldyz joramal" basylymdary osy jylǵy aqpan aıyndaǵy nómirlerinde baspahananyń adresin kórsetpegen. Sol sebepti úsh basylym qaraıtyn "Otbasy" jaýapkershiligi shekteýli seriktestigi (JSHS) ústinen is qozǵalyp, sońy sotqa ulasty. JSHS qaramaǵyndaǵy úsh jýrnalǵa jáne bas redaktorǵa jeke-jeke hattama toltyrylyp, ár qaısysyna 20 aılyq eseptik kórsetkish aıyppul saldy.
Alaıda, "Otbasy" JSHS-niń zańgeri Maqsat İlıaulynyń aıtýynsha, Almaty qalasy İshki saıasat basqarmasy monıtorıńti ádil júrgizbeı, atalmysh úsh basylymǵa ǵana shúıligip otyr. Eger anyqtap qarar bolsa, qazirgi aqparat keńistiginde mundaı baspahana meken-jaıy kórsetilmegen jaǵdaılar kórsetilmegen jaǵdaılar kóp. Jáne sot aldyna "Juldyzben syrlasý" jáne "Ómir-aı" basylymdaryn usyndy. Sonymen qatar, QR «Buqaralyq aqparat quraldary týraly» zańnyń 15 babynyń 1 tarmaǵynyń 8 tarmaqshasy buzylǵanyn tolyq dáleldenbedi. Óıtkeni, bul tarmaqsha boıynsha, bir talaby ǵana oryndalmaǵan. Jáne muny tek tehnıkalyq qate dep tanyp, bul qateliktiń qoǵamǵa nemese jeke adamǵa esh zıany joq ekenin eskere otyryp, sottan eskertý retinde jazalaýyn surady.
Al, "Otbasy" JSHS dırektory, bas redaktor Jarylqap Qalybaı jýrnalda tehnıkalyq qateniń ketkenin moıyndady. Jáne basqa emes, dál osy basylymǵa shúıligýin synyqqa syltaý dep baǵalady. "Ańyz Adam" jýrnalynyń Gıtlerge arnalǵan nómerinen keıingi jýrnalǵa jasalǵan is-áreketterdiń biri ekenin aıtty.
Esterińizge sala keteıik, "Juldyzdar otbasy-Ańyz adam" jýrnaly sáýir aıyndaǵy nómiri qoǵamda daý týdyrǵan edi. Gıtlerge arnalǵandyqtan quzyrly organdar jýrnalǵa eskertý aıtyp, Reseı SİM jaýap berýin talap etti.
Al, sońy búgingideı iri kólemde aıyppul salýmen aıaqtaldy.
