Almaty-Kókpek-Kóktal-Horgos tas jolynda Qytaı azamattary bar «Mersedes» mıkroavtobýsy apatqa ushyrap, jeti adam zardap shekti dep habarlaıdy Almaty oblysy İİD-niń baspasóz qyzmeti.
Jol apaty Uıǵyr aýdanyna tıisili Bahar aýylyna jaqyn respýblıkalyq tas jolyna 239 kılometr qalǵanda oryn alǵan. Tekserý nátıjesine súıensek 22 jasar júrgizýshi kólik tizginine ıe bola almaı qalǵan.
QHR azamattary Atyraý oblysyndaǵy munaı kompanıalarynyń birinde qyzmet atqarǵan. Olar Horgos kedendik beketinen shekaradan ótý maqsatynda Panfılov aýdanyna jol tartqan bolatyn. Jol-kólik oqıǵasynda zardap shekkenderge Shonjy aýylynda ornalasqan emhanada kómek kórsetildi.
