Almaty oblysynda magnıtýdasy 3,9 jer silkinisi tirkeldi, dep habarlaıdy Tengrinews.kz QR Bilim jáne bilim mınıstrligine qarasty Ǵylym komıtetiniń seısmologıalyq tájirıbe-ádistemelik ekspedısıasyna silteme jasaı otyryp.
Jer asty dúmpýi 12 mamyrda Astana ýaqyty boıynsha 05.15-te tirkelgen. Jer silkinisiniń epısentri Almatydan ońtústik-shyǵysqa qaraı 233 shaqyrym jerde, jer asty dúmpýiniń oshaǵy 15 shaqyrym tereńdikte belgilendi. Zardap shekkender, qıraǵan úıler týraly aqparat túspedi.
Esterińizge sala keteteıik, 11 mamyr kúni Astana ýaqyty boıynsha 11.29-da Almaty oblysynda magnıtýdasy 3,9-ǵa teń taǵy bir jer silkinisi tirkelgen bolatyn. Jer silkinisiniń epısentiri Almatydan soltústikke qaraı 68 shaqyrym jerde ornalasqan edi.
