Kanada bıligi Reseıdiń Ýkraınadaǵy daǵdarysqa alyp kelgen áreketterin aıyptap, 6 mamyrda jarıalaǵan sanksıalaryn keńeıte tústi. BBC-dyń aqparatyna saı Kanada Ýkraınadaǵy jaǵdaıdy halyqaralyq beıbitshilik pen qaýipsizdik talaptarynyń óreskel buzylýy dep sıpattap, Pýtın rejımi agresıasyn jaýapsyz qaldyrmaıtynyn eskertken. Málimdemege saı endi sanksıalar saıası jaýapkershiligi bar tulǵalarǵa salynýda. Atap aıytsaq Reseı qarýly kúshteriniń shtab bastyǵy Valerıı Gerasımov, Ýkraına shyǵysyndaǵy reseıshil seperatıs jetekshileriniń biri Igor Strelkov, sondaı-aq Reseı memlekettik dýmasynyń orynbasar hatshysy - Sergeı Neverov pen Lúdmıla Shvesova(Ekeýi de "Edınoı Rossıı" partıasynan.) sıaqty tulǵalar qara tizimge ilikken.
Sonymen qatar bul tizimde Ýkraına azamattary da bar. Olar - jarıalanǵan jańa aımaqtardyń bıligine kelgen, Lýgansk oblysynyń gýbernatory German Prokopıv, «Donesk halyq respýblıkasynyń» basshysy Andreı Pýrgın men Denıs Pýshılın, «Donbass halyq jasaǵy» basshysy Sergeı Syplakov.
Esterińizde bolsa 6 mamyrda jarıalanǵan Kanada sanksıasyna Reseılik 16 kompanıaǵa kirgen. Ol tizimde Pýtınniń jaqyn jaqtastary jáne 23 naýryzda AQSH jarıalanǵan sanksıanyń qara tizimine engender bar bolatyn.
Búgin sondaı-aq Eýroodaq ta qara tizimge jańadan engen tulǵalardyń esimin jarıalady. «Azattyqtyń» habarlaýynsha Tizimde Reseıdiń Qyrymdy anneksıalap alýyna qatysy bar sheneýnikter - Reseı prezıdenti apparaty basshysynyń birinshi orynbasary Vácheslav Volodın, Reseı áýe desanty kúshteriniń qolbasshysy Vladımır Shamanov, Reseı memlekettik dýmasy konstıtýsıalyq komıtetiniń basshysy Vladımır Plıgın, Reseı federaldyq mıgrasıalyq qyzmeti basshysynyń mindetin atqarýshy Petr Iarosh bar. Sanksıalar bularǵa qosa Ýkraınanyń shyǵysyndaǵy separatısterdiń jetekshilerine - Slavánskiniń ózin-ózi jarıalaǵan Vácheslav Ponomarevke, Doneskidegi separatıstik áskerı otrádtyń basshysy Igor Bezlerge jáne ózin-ózi jarıalaǵan Donesk halyq respýblıkasy ortalyq saılaý komısıasynyń basshysy Roman Láhınge de salynǵan. Tizimde Reseı Qyrymdy aneksıalap alǵannan keıin Qyrymnyń jańa bıligi tárkilegen Chernomorneftegaz jáne Feodosıa kompanıalary da bar.
Abai.kz
