2014 jyldyń 21-23 mamyry kúni VII Astanalyq ekonomıkalyq forýmy aıasynda EKSPO-2017 taqyryby boıynsha birqatar is-sharalar ótedi, dep málimdedi «Astana EKSPO-2017» UK» baspasóz hatshylyǵy.
21 mamyr kúni saǵat 09.30-dan 17.00-ge deıin Qazaq gýmanıtarlyq-zań ýnıversıtetinde «Ekonomıkalyq yqpaldastyq jáne «jasyl tehnologıalar»: jastardyń úlesi» atty III Dúnıejúzilik ekonomıkalyq forým ótedi. Sol kúni saǵat 12.00-den 16.00-ge deıin Astana qalasynda EKSPO-2017 Halyqaralyq mamandandyrylǵan kórmesin ótkizý máselelerine arnalǵan birqatar sesıalar ótedi.
Pikirtalas barysynda EKSPO kórmesiniń el men óńirlerdiń ındýstrıaldy-ınnovasıalyq damýyna jáne memleket ekonomıkasynyń damýyna, kórmeni ótkizgenge deıin jáne keıin týyndaıtyn bıznes pen ınvestısıalar úshin jańa múmkindikterge, sonymen qatar óńirlerdiń ınfraqurylymynyń damýyna úlesi talqylanady.
EKSPO-2017 sesıasyna shaqyrylǵan qonaqtardyń ishinde álemdik kóshbasshylar men saıasatkerler, jetekshi sarapshylar jáne energetıkalyq sala ǵalymdary. Spıkerler retinde Halyqaralyq kórmeler búrosynyń (HKB) Bas hatshysynyń keńesshileri Ivan Prostakov pen Anka Korına Anhel (Anca Corina Anghel); 2006 jylǵy fızıkadan Nobel laýreaty Djordj Fısdjerald Smýt úshinshi (George Fitzgerald Smoot III); EKSPO-2008 Saragosa Komısar keńseniń Bas dırektory Edýardo Lopes Býskets (Eduardo López Busquets); «Barlyǵyna arnalǵan turaqty energetıka» bastamasy úshin BUU Qorynyń arnaıy keńesshisi Serj Martın (Serge Martin); AES jáne EPTISA Engineering kompanıalarynyń ókilderi baıandama jasaıdy. Qazaqstandyq tarapty EKSPO-2017 Halyqaralyq mamandandyrylǵan kórme komısary, Qazaqstan Respýblıkasynyń Syrtqy ister mınıstrliginiń Birinshi orynbasary Rápil Joshybaev; «Astana EKSPO-2017» UK» AQ Basqarmasynyń tóraǵasy Talǵat Ermegıaev; QR Parlamentiniń Májilis depýtaty Aıgúl Soloveva; ««Jasyl» ekonomıka jáne G-Global damýy úshin» Koalısıa Basqarmasynyń tóraǵasy Saltanat Rahımbekova jáne basqalary usynady.
«Astana EKSPO-2017» UK» AQ Basqarmasynyń Tóraǵasy, Talǵat Ermegıaevtiń aıtýy boıynsha Astanalyq ekonomıkalyq forým usynatyn pikirtalas alańynyń deńgeıi óte joǵary. «Osy sesıalardyń nátıjeleri boıynsha biz sarapshylar men bıznes ókilderdiń pikirin estıtinimizge senimdimiz jáne osynyń barlyǵyn Astana q. EKSPO-2017 Halyqaralyq mamandandyrylǵan kórmesin daıyndaý kezinde eskeremiz».
Budan basqa, VII Astanalyq ekonomıkalyq forýmnyń aıasynda «Astanalyq ekonomıkalyq ǵalymdar klýby» qaýymdastyǵy, ««Jasyl» ekonomıka jáne G-Global damýy úshin» Koalısıasy jáne «Astana EKSPO-2017» Ulttyq kompanıasy arasynda memorandýmǵa qol qoıylǵan. Taraptar Astanadaǵy EKSPO-2017 Halyqaralyq mamandandyrylǵan kórmesin daıyndaýǵa óz kúshterin biriktirýge kelisti.
