Búgin Astanadaǵy L.Gýmılev atyndaǵy Eýrazıa ulttyq ýnıversıtetinde ornalasqan synaq pýnktteriniń birine kelgen QR Bilim jáne ǵylym vıse-mınıstri Tahır Balyqbaev bıyl UBT sońǵy ret ótkizilip jatyr degen aqparatty teriske shyǵardy.
"Bıyl UBT sońǵy ret ótkizilip jatyr degen aqparat durys emes. Bizdiń josparymyz boıynsha, kelesi jyly da synaq osy formatta ótpek. Biraq bizde memlekettik bilim berý júıesin damytýdyń 2020 jylǵa arnalǵan baǵdarlamasynda 2015 jyldan keıin mektep bitirgen oqýshylardyń emtıhandaryna ózgeris engizý kózdelgen. Ony qazir arnaıy komısıa talqylap jatyr. Sodan keıin 2016 jyldan soń enetin bolsa, aıtatyn bolamyz", - dep atap ótti ol.
Aıta keteıik, búgin, 2 maýsymda Qazaqstanda mektep túlekterin ulttyq biryńǵaı testileý bastaldy. Tahır Balyqbaev ulttyq synaq tapsyrmalaryn resmı túrde ashty jáne túlekterge sáttilik tiledi.
