Almaty ákimi Ahmetjan Esimov Gorkıı atyndaǵy ortalyq mádenıet jáne demalys saıabaǵyn jańǵyrtý máseleleri boıynsha jumys jıynyn ótkizdi. Qala ákimi saıabaqta bolashaqta paıda bolatyn delfınarıı men muz arenasynyń jobasyn maquldady.

Bul obektilerdiń jalpy kólemi 7300 sharshy metrdi quraıdy. Aýmaǵy 1000 sharshy metr bolatyn delfınarıı 750 oryndy bolmaq. Al muz arenasynyń syıymdylyǵy 900 oryndy quraıdy. Jyl sońyna deıin jobalaý jumystary aıaqtalyp, qurylys bastalýy tıis.

Almaty ákimi bul obektilerdiń áleýmettik-mádenı máni zor bolatyndyǵyn erekshe atady. Delfınarııde túrli syrqatqa ushyraǵan balalar emdeý-saýyqtyrý kýrstarynan ótetin bolady.

Qazirgi kezde saıabaq aınalasynda abattandyrý jumystary júrgizilip jatyr. 10 myń sharshy metr jerge kógal jasalyp, 2,5 myń sharshy metr jer gúlzarǵa aınaldy. Amfıteatr men oryndyqtar jańartylyp, jańa avtokólik parki salynýda.

Esterińizge sala keteıik, 2013 jyly atalǵan saıabaq qalanyń komýnaldyq menshigine qaıtaryldy, dep málimdedi ákimniń baspasóz qyzmetinen.