1 maýsymda alǵash ret Qazaqstanda Esentai Mall saýda-oıyn-saýyq ortalyǵynda «Kids on The Moon (Aıdaǵy baldyrǵandar)» ınteraktıvtik jobasy iske qosyldy. Joba Almaty qalasy ákimdiginiń qoldaýymen ótti.

Kórmeni Almaty qalasy ákiminiń orynbasary Zaýresh Amanjolova, tuńǵysh qazaq ǵaryshkeri, Keńes Odaǵynyń Batyry, «Halyq qaharmany» ataǵynyń ıegeri Toqtar Áýbákirov jáne Esentai Mall basqarýshy dırektory Agneshka Novak ashty. Kórmeni ashý qonaqtary qazaqstandyq shoý-bıznes juldyzdary, tanymal dızaınerler, telejúrgizýshiler jáne ózderiniń balalarymen Saltanat Baımýhamedova, Quralaı Nurqadilova, Tolqyn Zabırova jáne t.b. boldy.

Amanjolova hanym kórmeni asha otyryp, bizdiń elimizdiń tarıhy men adamnyń ǵaryshty zertteýi tyǵyz baılanysty: Iýrıı Gagarın óziniń alǵashqy ǵaryshqa ushýyna dál sol Baıqońyr kosmodromynan attanǵanyn atap ótti. Ol «Aıdaǵy baldyrǵandar» jattyqtyrýshy jobasynyń óskeleń urpaqty ǵaryshty zertteýge tartý úshin negiz bolatynyna senimdi. Aıǵa usha otyryp, dál osy jerde, balalardyń biri onyń taǵdyrynyń – ǵarysh ekendigin túsinýi bek múmkin.

«Iýrıı Gagarınniń ǵaryshqa ushýyn búkil álem baqylady, sonyń ishinde men de jáne kóptegen balalar, tipti eresekterdiń ózderi de sol ýaqytta ǵaryshqa ushýdy armandady. « Aıdaǵy baldyrǵandar» - keremet joba, munda qazirdiń ózinde myńdaǵan balalar armandaryna qol jetkize alady», - dep óz oıymen bólisti Toqtar Áýbákirov.