Ulttyq dástúr men ulttyq qundylyqty saqtaý jolynda el bolyp jumyla kúresip jatyrmyz. Ulttyq asty atasynan qalǵandaı kórip júrgen «Besh»-terdiń de mesi basyldy áıteý. Birin basyp birin túzep jatqanda biri qyltıyp shyǵa keldi. Elimizde ekstrokorporaldy uryqtandyrý (EKU) ortalyqatry jumys isteıdi. Olardyń sany – qazirge 13. Jan sanyn kóbeıtý el úshin paıdaly is bolǵan kúnniń ózinde, uryqtandyrý arqyly urpaqtyń sanyn kóbeıtkenmen sapasyn jasaı alamyz ba? «Alash aınasy» osy suraqtyń jaýabyn izdeý barysynda, EKU ortalyǵynyń jumysyna zertteý saraptamasyn jasap edi. Nátıjesinde uryqtanǵan urpaq jetilgenimen jeti atasyn bilmeıtin bolyp shyqty. Dálirek aıtsaq, jasandy uryqtandyrý ortalyqtary donor erkekterdiń jeti atasyn teksermeıdi eken. Ol jóninde «Ekomed» adam urpaǵyn órbitý emhanasynyń jetekshisi, reprodýktolog-embrıolog, bıologıa ǵylymynyń doktory Saltanat Baıqoshqarova da aıtyp berdi,-dep otyr tengrinews.kz. Urpaq tárbıesine degen sabaqtastyqty joǵaltpaý úshin búginnen bastap tárbıe berý kerek. Deni saýdyń jany saý. Atadan alynbaǵan dert joq. Emin taýyp, ebin keltirý endigi paryz bolyp qalmaq. Áıtpese, erteń barmaq tistep qalamyz...

Marǵulan Aqan