Ýkraınanyń ulttyq qaýipsizdik jáne qorǵanys keńesi tóraǵasynyń orynbasary Mıhaıl Koval ýkraın áskeri reseıshil separatıster bekingen Lýgansk men Doneskini tolyq qorshaýǵa alatynyn málimdedi. Onyń aıtýynsha, áskerıler osylaısha separatısterdi qarýlaryn eriksiz tastaýǵa májbúrlemek. Separatıster kez-kelgen qorshaýǵa alý áreketi "qaqtyǵysty saıası jolmen sheshý úmitin kúıretedi" dep málimdedi. Olar Ýkraına armıasy buǵan deıin bekingen Slavánsk qalasyn alǵan soń bar kúshti Donesk men Lýganskige shoǵyrlandyratyndaryn aıtqan. Ózin ózi jarıalaǵan "Donesk halyq respýblıkasynyń" gýbernatory Pavel Gýbarev "naǵyz partızandyq soǵys bastalatynyn" eskertti. 7 shilde kúni túsken aqparattar boıynsha, Doneskide jarylystardan qalaǵa baratyn úsh kópir qıraǵan. Jarylystardy separatıster jasady degen boljam bar – dep, Azattyq radıosy habarlaıdy. "Qamshy" silteıdi