Prodúser Qydyráli Bolmanov alǵash ret jurttan jasyrǵan qupıasyn bólisti. Ol Qaraqattan toqal alyp beretindigin jazýdy ózi suraǵan eken. Alaıda buǵan otbasyndaǵy keleńsizdikter emes, barsha qazaqstandyqtyń taǵdyry sebepshi bolǵan-dy, – dep jazady “Vremá” basylymynyń jýrnalısi Oksana Vasılenko.
Sońǵy birneshe aıda jurt Qaraqat pen Qydyráliniń jeke ómirin talqyǵa saldy. Kópke úlgi bolǵan otbasynda toqal týraly áńgime birinshi ret kóterildi. Atalǵan taqyryptyń kóptiń aýzynda júrýine ánshilerdiń ózderi sebepshi boldy. Bastapqyda Qaraqat kúıeýine toqal alyp beretindigi, keıin Qydyráliniń báıbishesi týraly shyndyq aıtyldy. Barlyǵynyń sebebin Qydyráliniń ózi ashyp aıtyp berdi.
“Qaraqattyń maǵan toqal alyp beretindigi – taza marketıńtik trúk boldy. Ony men amalsyzdan oılap taptym. Mundaı qadamǵa ómirimde birinshi ret bardym. Men barymdy báıgege tigip, adamdardyń nazaryn basqa arnaǵa aýdarmaq boldym. Bul 19 mamyr kezi bolatyn. Memleketimiz qıyn kúnderdi basynan keshirýge azaq-aq qalǵan-dy”, – deıdi Qydyráli.
Ánshi bul taqyrypta kóterýlerine Jer máselesi sebepshi bolǵanyn aıtty. Iaǵnı olar osylaısha kóterilisti boldyrmaı qoıýǵa tyrysqan.
“Men jeltoqsan oqıǵasyna qatysqan adam retinde jastardyń alańǵa shyǵýyn úshinshi taraptyń paıdalanyp ketýi múmkin ekenin túsindim. Olarǵa bir bótelke kerosın laqtyrsa da jetkilikti… Shyndyǵynda, sıtýasıa óte qorqynyshty boldy. Men arnaıy Almatyǵa ushyp kelip, áriptesterimmen, aǵalarymmen, baýyrlarymmen aqyldastym. Osy ýaqytta adamdar maǵan “Ne isteımiz? Alańǵa shyǵamyz ba? Joq pa?” degen saýal qoıdy. Otany úshin ómirin qıýǵa daıyn adam retinde men birnárse aıtýym kerek boldy. Men qatty qınaldym.
Sharasyzdyqtan otyryp kózime jas alǵanymdy Qaraqat qana kórdi. Men Qaraqatqa “Toqal týraly jaz!” dedim. Ol basynda túsinbeı qaldy. Artynsha oǵan jaǵdaıdy túsindirip, kópshiliktiń bizdi úlgili otbasy retinde biletinin, bizdiń otbasymyzdaǵy “keleńsizdikter” kópke qyzyq bolatyny týraly aıttym. “Bastapqyda qıyn bolatyny sózsiz. Biraq biz shydap baǵamyz” dedim oǵan. Jastar kóteriliske shyqpady. Áleýmettik jelide barlyǵy toqal taqyrybyn talqylady. Solaı emes pe?” – deıdi prodúser.
Derekkóz: stan.kz
