El Táýelsizdiginiń 25 jyldyq mereıtoıy qarsańynda álem elderi úshin Qazaqstan jaıly keńirek maǵlumat alýǵa jol ashatyn taǵy bir múmkindik týdy.  Atap aıtqanda, qazaqstandyq jastar tolaǵaı merekege óz tartýlaryn jasaýdy uıǵaryp,  óz kúshterimen «Parasatty el» dep atalatyn arnaıy mobıldik qosymshany ázirledi.

Qazaqstannyń álemge tanymaldylyǵyn odan ári arta túsýine septigin tıgizý maqsatynda jasalǵan qosymsha kelesi jyldyń basynda IOS jáne Android operasıalyq júıelerinde kópshilik úshin qoljetimdi bolmaq.  

Mobıldi qosymshanyń jalpy maqsaty – adamdardy álem elderimen, onyń ishinde Qazaqstanmen jan-jaqty tanystyrý.

Kez kelgen jastaǵy adamǵa arnalǵan halyqaralyq zıatkerlik vıktorına túrinde ázirlengen qosymsha álemniń kez kelgen buryshyndaǵy, kezdeısoq tásilmen tańdalǵan  adamnyń seniń eliń týraly biliminen ol ómir súrip jatqan el týraly bilimińniń zor ekenin pash etý. Qosymshadaǵy oıyn jeńiske qol jetkizgen árbir adam upaılar jınaý arqyly óz eliniń reıtıńin álemdik zıatkerlik deńgeıde kóterýge múmkindik alatyndaı etip qurylǵan.

«Qazaqstannyń álemge tanymaldylyǵyn odan ári arttyra tússek, basqa elderdiń halqyn bizdiń eldiń tarıhymen, mádenıetimen, Táýelsizdik jyldary qol jetkizgen jetistikterimen jan-jaqty tanystyrsaq degen maqsatta osy qosymshany ázirledik», - dedi T.Taıymov.