Bir jyl buryn Saıa Tomıoka pen jigiti Grıffın Meden Nú-Iork qalasyna qydyryp keledi. Taıms-skverde sýretke túsirýmen aınalysatyn qazaqstandyq fotograf Arken Avan súıisip turǵan qos ǵashyqty da taspasyna basyp alǵan. Alaıda qyz ben jigit qaladan jyldam ketip qalady. Al ótken aptada 23 jastaǵy Medden 3 jeltoqsan kúni Oklendte bolǵan órt kezinde qaza tapqan 36 adamnyń tiziminde bolǵan. Bul týraly QazAqparat habarlaıdy.

Onyń óliminen soń Tomıoka 4 jeltoqsan kúni Feısbýkte ózderin sýretke túsirgen fotografty tabýdy ótinip jazba qaldyrdy.

“Múmkin bir ǵajaıyp bolyp qalar, ótinish, bólisińizdershi. Dostar, sizderdiń kómekterińizben múmkin sol fotografty taýyp qalarmyn. Bul meniń júregimde qalatyn áserli sát. Men sol bir baqytty shaqty qaıta kórip, sezingim keledi”, – dep jazdy ol.

Onyń jazbasy 300-den astam ret bólisilgen. “Men olardyń túrlerin tanımyn. Óıtkeni, olar shynynda da keremet sátti bastan keship turdy”, – dedi CNN-ge suhbat bergen Avan.

Ótken beısenbide Saıa jazbanyń bólisilgendigi arqasynda Arken Avandy taýyp, fotograf oǵan sol bir sýretti syılady.

“Bizdiń Grıffın ekeýmizdiń mahabbatymyzdy estelikke aınaldyrǵany úshin Arken Avanǵa alǵysym zor”, – dep jazdy Saıa.

Osydan soń ol óziniń Grıffınge arnap jazǵan hatyn da jarıalady.

“Meniń qymbatty Grıffınim. Sen órt qursaýynda qalyp qoıǵan kezde, men Las-Vegasta bılep jattym. Men óz nómirimde birneshe saǵat boıy seni kúttim, senen keler hatty kúttim. Kelesi kúni de uıyqtamadym. Kúderimdi úzbeı Oklendtegi sherıftiń ofısinde saǵattap seni kútýdi jalǵastyra berdim. Men seni joǵaltsam qalaı kún keshemin dep ýaıymǵa battym. Biraq, men berilgen joqpyn. Biz seni 24 saǵattan soń taptyq. Biraq, báribir seni tapqandaı keremet kúı keshpedim. Men ǵajaıypqa sengen edim”, -dedi ol.