"AŃYZ ADAM"-ǵa baılanysty ákimshilik sot 15 shilde (seısenbi) saǵat 15.00-de Almaty qalalyq Mamandandyrylǵan aýdanaralyq ákimshilik sotynda ótedi. Esterińizde bolsa, mamyr aıynda Almaty qalasy mamandandyrylǵan aýdanaralyq ákimshilik soty «Juldyzdar otbasy-Ańyz adam» jýrnalyna QR «Buqaralyq aqparat quraldary týraly» zańnyń 15 babynyń 1 tarmaǵynyń 8 tarmaqshasyn buzǵan degen kiná taǵyp, QR Ákimshilik quqyq buzýshylyq týraly zańnyń 350 babynyń 1 tarmaǵyna saı 20 aılyq eseptik kórsetkish, ıaǵnı 222 myń 240 teńge (shamamen 1200 AQSH dollary) kóleminde aıyp salǵan. Al maýsym aıynda Almaly aýdandyq soty Jarylqap Qalybaıǵa aryzdanǵan "ardagerlerge" 13 mıllıon teńge tólem tóleýdi mindettegen. Endi, mine qaıtadan Ákimshilik sotqa shaqyryp otyr. Bylaıǵy jurttyń pikirinshe, sot jýrnal redaktoryn Gıtlerge oryn bergeni úshin emes, soǵan baılanysty Reseı jibergen Notaǵa "jaýap" retinde "sottap" otyr. Erteńgi sot Almaty qalasy, Markov kóshesi 34-te ótedi(Tımırázev kóshesinen tómen).